المساعد الشخصي الرقمي

عرض الإصدار الكامل : ::: جــدة ... إحـترمي نفــسك ::::

Dr.google
20-01-2008, 03:48 PM
::: جــدة ... إحـترمي نفــسك ::::

جــدة " إحترمي نفسك !!

جدة .. على عيني و على راسي عايش فيكي و من أهلك بس إسمحيلي
فاض بيا الكيل و رح أنشر غسيلك .. مع أنو منشور بس بعيد عن العيون !
أنا رح أنشرو قدام العيون .!!

جدة .. ليش دايماً ريحتك معفنه و حتى ع البحر احاول اشم هوا وريحة البحر
ما اقدر و ما يجي منك إلا ريحة حفايظ الاطفال و قمايم و أكل و توم البيك !

جدة .. ليش عندك ألف إشاره في طريق أقل من 1 كيلو ! كده نظام يعني ؟
و المصيبه اشارات تقعد دقيقه و اشارات ممكن تاخدلك فيها نومه او تخلص قصه !!

جدة .. ليش انتي لما تقرري تبني نفق تحطي لوحه ( خلال 8 أشهر )
و النفق يتعمل بعد 8 سنوات !!

جدة .. انتي الوحيده الي فيكي كل الوان قوس قزح
يعني تلاقي بيت احمر جنمبو اصفر و الي بعدو برتقالي ! ما تحسي انو دا الشي
يخرب الذوق العام لمنظر شوارعك !! < على اساس انو شوارعك فيها ذوق !

جدة .. ليش فيكي أكتر من 18 ألف و خمسية و أربع و تمانين مليون حفرة ؟
ليش لما تسوي انك رح تقفلي حفره تسفلتيها بطريقة زي الاطفال
لما يخبصوو بالصلصال !!

::::نـــزيه مـــكـــوار :::::

جدة .. شوارعك صارت زي قميص كروهات !!

جدة .. نفسي يوم من الأيام امشي 5 دقايق من غير ما احس انو كل الي جوا بطني
بيتقلب من الحفر و القبورر الي في شوارعك !!


جدة .. ليش فيكي أسواق ممنوع الشباب و أسواق لأ !


جدة .. ليش الهيئة عندك تركز على أماكن معينه و أماكن تانيه لأ !!

جدة .. ليش فيكي عنصرية بدأت تصير في دم الاطفال و فيكي تفرقه بين الحضري
و البدوي مع العلم اني كلهم واحد بس التربيه تختلف و كل واحد منهم فيهم البطال و فيهم الممتاز!

جدة .. ليش ( لأ بلاش دي كبيره شويا ..!!! )

::::نـــزيه مـــكـــوار :::::

جدة .. ليش مافي تنظيم لأي شي في شوارعك !
طريق يكون جداً حيوي و في حركه ينفك فيه 1900 مطعم جنمب بعض
فين النظام فين الترتيب المثالي ولا الربع مثالي للمدينة!!

جدة .. ليش انتي المكان الوحيد الي فيلو تفتيش فجأه و في أي مكان يخطر على بال
الشرطي !!

جدة .. ليش فيكي تخلف من ناحية المحلات التجاريه لو محلين كنب جنمب بعض
تلاقي الحي كلو صار حق كنب !! زي شارع الجزم (صاري)
ليش فيكي صيدلية كل خطوه !! على اساس انو ايش مثلاً؟
في مدن عربيه تانيه اقل منك في قوانين لدا الجي مع انو مساحة المدن دي ربع مساحتك!

جدة .. ليش دايماً في زبايل في شوارع في كل مكان! في اي زمان في اي وضع !

جدة .. عندك أماكنيات رهيبه و مناظر تجنن ليش دايماً خاربتها على نفسك !!

جدة .. ليش تهتمي بمنطقة و تطنشي مناطق كتير!!

::::نـــزيه مـــكـــوار :::::

جدة .. ليش الين دحين في أحياء جداً راقيه نلاقي مساكن عشوائية جداً سيئه

جدة .. خلاص كفايه عليكي كده و إحترمي نفسك !!!





تحياتي
εïз وناسهـ εïз
20-01-2008, 04:06 PM
احترم رايك بس حبيت اقولك انا ساكنه الشرقيه بس بصراحه لي وفاء لها بشكل ماتتخيل
يكفي ان متربيه طول عمري فيها و ان لي اصدقاء واحباب محلينها خلتها بعيني احلى منطقه
يعني لو نظرت لجده من نظره مختلفه لقيت فيها اشياء حلوه وناس تحبهم واماكن حلوه قضيت فيها فترات طفوتك ومراحل حياتك صحيح ماننكر اللي قلته بس شوف الجانب الايجابي اللي تحب فيها وان شالله تغير رايك فيها
ويسلموو على تواجدك
Dr.google
20-01-2008, 08:49 PM
مشكوه على المرور وانا برضو احترم وجهت نضرك
ولاكن لو نضرت للأشياء الإيجابيه تشوفيها قليله
وشكرا
ع ـيوني لك
20-01-2008, 09:36 PM
انا حياتي كلها في جدهـ

صح اكثر كلامك صح بس انت تقتدر تعيش في مكان ثاني غير جدهـ

انا ما اتصور حياتي في مدينه غير جده ويمكن الحفر تلاقيها في الاحياء

الشعبيه لكن اطلع الشمال بالعكس ارقي الاماكن تلاقي فيها كل شي

كل شي تبغاه وانا احترم وجهه نظرك

واذا على الهيئه ما شفتها في حياتي الا مرتين

نادر لو تشوفها ااذا على الاسواق انا اشوف انه عوايل احسن

وانت تلاحظ زحمه الشباب قدام الصواري والمرسي

لو خلوها مفتوحه راح يصير في شغب مو طبيعي

بس جدهـ ما في مثلها

وتسلم

على الموضوع
حلا
21-01-2008, 04:21 AM
انا اقوووووووووووول احتفظ بكلاامك لنفسك

والله اذا مو عاجبتك جده روح مكان ثاني

وجده ما في زيها مهما قلت ومهما صار

روح شوف السياح الي فيها في الاجازات

هذا اكبر دليل على انو ما في احلى من جده

وبعدين في كل بلد في سلبيات وايجابيات

بس مين الي قالك انو سلبياتها اكتر من من ايجابياتها

وهذا رايي وبسسسسسسسسسسسسسسسسس
εïз وناسهـ εïз
21-01-2008, 01:09 PM
يسلمووو على ردك يا د. قوقل
بس حبيت اقول لحلا
ان من ناحيه السياحه لجده اغلب السياح يجون عشان مكه بس
اذ جيتي من ناحيه السياحه نلاقي الجنوب والشرقيه هي محط السياحه بسبب المنطقه نفسها اما جده هي محط الوقوف عشان مكه والمطار موجود فيها
واحترم وجهه نظرك ومرورك
Dr.google
21-01-2008, 06:11 PM
انا احترم وجهة نظرك يا حلا
وانا اشوف انو لازم يعملوا اشياء خاصه بالشباب
وانا ما اقولك انو جده كلها خرابه
لاكن لما تروحي تسألي برا عن جده يقولولك نسمع انو حلوه ومند الكلام
ويجو يتفاجؤو وانا ماكتبت هذا الكلام الا عشين احب جدة
واشكرك على المرور
وشكرا لى ردك اختي وناسه
مشكورين على المرور
اخصائيه نفسيه
23-01-2008, 03:51 AM
جدة(غييييييييييييييييييييييييير)


واحنا نعشقهاااااااااااااااا بايجابياتها وسلبياتها0000000000000


والي بيحصل فيها بيحصل في كل مناطق المملكة000000000000



وبس برضو عاجبتنا0000000000
AbadE
23-01-2008, 09:28 AM
والله الصراحة الي عنده سيارة ملكه حتى لو جديدة كرت من الشركة
يكرها في اول حفرة ياكلها في جدة
جدة كل شيء فيها حلو الا....... شوارعها

يعطيك العافية على الموضوع

http://img255.imageshack.us/img255/4250/16882914tu4.gif
ع ـيوني لك
23-01-2008, 09:38 AM
انا اقوووووووووووول احتفظ بكلاامك لنفسك

والله اذا مو عاجبتك جده روح مكان ثاني

وجده ما في زيها مهما قلت ومهما صار

روح شوف السياح الي فيها في الاجازات

هذا اكبر دليل على انو ما في احلى من جده

وبعدين في كل بلد في سلبيات وايجابيات

بس مين الي قالك انو سلبياتها اكتر من من ايجابياتها

وهذا رايي وبسسسسسسسسسسسسسسسسس

ينصر دينك بس ما يحتاج تعصبين :p


ان من ناحيه السياحه لجده اغلب السياح يجون عشان مكه بس
اذ جيتي من ناحيه السياحه نلاقي الجنوب والشرقيه هي محط السياحه بسبب المنطقه نفسها اما جده هي محط الوقوف عشان مكه والمطار موجود فيها
واحترم وجهه نظرك ومرورك

إلـى اعرفهـ يا وناسهـ الناس من الجنوب ومن كل مكان يجون على جدهـ مو العكس

واكبر دليل غلا قحطان كل عطلهـ في جده

بس مدري ليه الي ساكنين في مدينه غير جدهـ ما يحبونها يمكن لانها انفتاحيه

او يمكن لان الي ما يطول العنب حامض عنهـ يقول <=-- خربها :p
Dr.google
23-01-2008, 03:35 PM
في البدايه مشكورين على المرور
وبعدين يعني في بعض الاعضاء فاهمين الموضوع خطأ
يحسبوني اني كتبت هذا الكلام عشين انا ما احب جده
ولكن يعلم الله اني اعشق شي اسمو جده
وأنا كتبت هذا الكلام عشين انا اغار على جده
ومثلا :
لو شفت على احد تحبه خطأ صح حتقولو يعدل خطأه
انا زي كدا كتبت عشين يتعدل الخطأ
وتكفى لاتفهمو الموضوع خطأ
ومره تانيه
مشكورين على المرور
وتقبلو تحياتي:
reenofuny@hotmail.com
εïз وناسهـ εïз
23-01-2008, 03:56 PM
هلا عيوني لك
انا قلت انها سياحيه بس هذا عشان مكه هذا اكبر سبب
وبعدين مو عشان غلا كل سنه تروح جده معناتها انها سياحيه
يعني انا كل سنه اروح مره او مرتين بس اروح عشان مكه اعتمر وبعدين اسكن جده او عشان ازور اهلي اللي بجده
بعدين الشرقيه منطقه متنفتحه بس بهودء مافيها زحمه زي جده
وبالنسبه لدفاعك عن جده بالعكس هالشي يفرح لان لو ماتدافع عنها مالك وفاء للمنطقه اللي تربيت فيها
ولك تحياتي
• اح ـلاهم و اتـ ح ـداهم •
24-01-2008, 12:17 AM
اقوووول الا جده

لان مافي زي جده واهلها

ونحنا راضين فيها

معفنه حلوه عاجبتنا

كفايا السياح كلهم يجوا من الخارج علشان

يزوها وانت اللي عايش فيها ماهي عاجبتك

ترى لو تلف بلدان العالم ما رح تلاقي

زي جده

واذا كان هذا رايك ياليت تحتفضبوا لنفسك

لان الا جده ما ارضى عليها

انا عايشه طول حياتي فيها

ما شفت فيها اي عيب

وانت طلعت عيوب الدنيا فيها

اقووول مررره ثانيه الا جده ما ارضى عليها

ويسلموا وتقبل مروري
Dr.google
24-01-2008, 12:34 AM
وناسه
انا اضم صوتي لصوتك
ويا اختي
عيوني لك
انا قلتلك انا احب جده واحب اهلها
ولكن لمن يجو الاجانب يقولو ماكنا نتوقع انو كدا جده
فأنا لو ما ازعل على جده مااكتبلها هذا الكلام
وبرضو مشكورين على المرور
والله لا يحرمنا منكم
وتقبلو تحياتي:
REENOFUNY@HOTMAIL.COM